ཁྲི་སྲོང་ལྡེའུ་བཙན།
༡༥༽ ཆུ་ཕག་(ཕྱི་ལོ་༧༨༣)ལོར། ཐང་ཏེད་ཙུང་གིས་བློན་ཆེན་ལིས་ཀྲུང་ཁྲིན་སོགས་མངགས་ཏེ་བོད་ཀྱི་ཕོ་ཉ་བ་ཁྲི་དགྲ་བཙན་སོགས་ལ་མཇལ་འཕྲད་ཀྱིས་འདུམ་འགྲིག་གནང༌།
༡༦༽ མེ་ཡོས་(ཕྱི་ལོ་༧༨༧)ལོར། སླར་ཡང་ཧུང་ཞང་རྗེ་བཙན་དང་དམག་སྤྱི་ཧུང་ཇན་གཉིས་ཀྱིས་ཕིན་ལིང་དུ་མཇལ་འཕྲད་ཀྱིས་འདུམ་ཆིངས་གནང་བར་མ་འཆམ་པར་རྩོད་པ་ཆེན་པོ་བྱུང༌།
༡༧༽ དེ་བས་བོད་དམག་གིས་མཇལ་འདུམ་གནང་སར་གློ་བུར་འཇབ་རྒོལ་གྱིས་ཐང་གི་དཔོན་རིགས་དྲུག་ཅུ་ལྷག་བཟུང༌། ཧུང་ཇན་གཅིག་པུ་བྲོས་ནས་སྲོག་མགོ་ཐོན་པ་ཞིག་བྱུང༌།
༡༨༽ དེ་ལྟར་ཕྱི་བློན་དང་དམག་དཔོན་ཚོས་དམག་དོན་གྱི་བྱ་བ་དང༌། བཙན་པོ་ཁྲི་སྲོང་གིས་ལུགས་གཉིས་ཀྱི་ཁྲིམས་སྲོལ་བཟང་པོ་གཏན་འབེབས་དང་ཆབས་ཅིག དམ་པའི་ཆོས་སྤེལ་བའི་ཐད་ལ་དགོངས་བཞེས་རྒྱ་ཆེན་པོ་གནང་གིན་ཡོད།
༡༩༽ ཉིན་ཞིག མེས་པོ་སྲོང་བཙན་སྒམ་པོའི་བཀའ་ཆེམས་མཇལ་ནས། ངའི་དབོན་སྲས་ཀྱི་རིང་ལ་རྒྱལ་པོ་ལྡེ་ཞེས་པའི་རིང་ལ་དམ་པའི་ཆོས་དར་བར་འགྱུར། ཞེས་རང་ཉིད་ལུང་བསྟན་དུ་འཁོད་འདུག་པ་གཟིགས།
For the audio files